នាព្រឹកថ្ងៃទី១៩ ខែមិថុនា ឆ្នាំ២០២៦នេះ ឯកឧត្តម ប៊ុន សាវ៉ាន់ សមាជិកក្រុមប្រឹក្សាខេត្តស្វាយរៀងតំណាងឯកឧត្តម ម៉ែន វិបុល ប្រធានក្រុមប្រឹក្សាខេត្ត បានអញ្ជេីញជាអធិបតីក្នុងកិច្ចប្រជុំវិសាមញ្ញលើកទី៣ អាណត្តិទី៤ របស់ក្រុមប្រឹក្សាខេត្ត ដោយមានការអញ្ជេីញចូលរួមពីឯកឧត្តម ប៉េង ពោធិ៍សា អភិបាលនៃគណៈអភិបាលខេត្ត ឯកឧត្តម លោកជំទាវ សមាជិកក្រុមប្រឹក្សាខេត្ត លោក លោកស្រីអភិបាលរងខេត្ត លោកនាយករងរដ្ឋបាលសាលាខេត្ត លោកនាយកទីចាត់ធនធានមនុស្សសាលាខេត្តព្រមទាំងមន្ត្រីពាក់ព័ន្ធមួយចំនួនទៀត។
របៀបវារៈនៃកិច្ចប្រជុំនេះរួមមាន៖
១.ពិនិត្យ និងអនុម័តលើការបែងចែក តួនាទីភារកិច្ច របៀបរបបធ្វើការងារជូនគណៈ អភិបាលខេត្តស្វាយរៀង។
២.ពិនិត្យ និងអនុម័តលើការស្នើសុំបន្តអាណត្តិទី២ នៃការងារជូនអភិបាលស្រុករំដួល និងអភិបាលរង ក្រុង ស្រុក ចំនួន២០នាក់ ស្រី៨នាក់។
៣.សេចក្តីផ្សេងៗ។
