ខេត្តពោធិ៍សាត់ ៖ ដោយមានការអនុញ្ញាតដ៏ខ្ពង់ខ្ពស់របស់ ឯកឧត្តម នាយឧត្ដមសេនីយ៍ ស ថេត អគ្គស្នងការនគរបាលជាតិ ថ្ងៃទី២១ ខែកញ្ញា ឆ្នាំ២០២៦ លោកឧត្ដមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង បានដឹកនាំកងកម្លាំង នៃស្នងការដ្ឋាននគរបាលខេត្តស្វាយរៀង ចុះសួរសុខទុក្ខ និងផ្លាស់ប្ដូរកម្លាំងប្រចាំការ របស់កងកម្លាំងនគរបាល វរសេនាតូចនគរបាលការពារព្រំដែនគោក៦០៩ និង៦១១ ខេត្តស្វាយរៀង ចំនួន ៤០នាក់ ដែលកំពុងឈរជេីងការពារព្រំដែនកម្ពុជា-ថៃ ស្ថិតនៅតំបន់ថ្មដា ស្រុកវាលវែង ខេត្តពោធិ៍សាត់។
ក្នុងឱកាសនោះលោកឧត្ដមសេនីយ៍ទោ ស្នងការនគរបាលខេត្ត បាននាំយកអំណោយដ៏ថ្លៃថ្លារបស់ ឯកឧត្តម នាយឧត្ដមសេនីយ៍ ស ថេត អគ្គស្នងការនគរបាលជាតិ និងលោកជំទាវ ស ស៊ីណា មានដូចជា÷ថវិកា ចំនួន ២០,០០០,០០០រៀល, ទឹកបរិសុទ្ធ ១៥០កេស, អង្ករ ៨៥០គីឡូ, នំ ០២កេស, ត្រីខ ០២កេសធំ, បារី ៣០សុង,ត្រីងៀត ១៥គីឡូ, សាច់ក្រក ១៥គីឡូ, សាច់ជ្រូក ៣៥គីឡូ, មី ២០កេស, ទឹកត្រី ១០យួរ, ទឹកស៊ីអ៉ីវ ១០យួរ,ពងទា ១០០គ្រាប់ ដេីម្បីប្រេីប្រាស់ដោះស្រាយជីវភាពប្រចាំថ្ងៃ៕
