(ព្រៃវែង) ៖ប្រភពពីប្រជាពលរដ្ឋក្នុងភូមិចាម ឃុំចាម ស្រុកកំពង់ត្របែក ខេត្តព្រៃវែង បានឲ្យដឹងថា ល្បែងសុីសងគ្រប់ប្រភេទបើកបង្កប់ក្នុងកាស៊ីណូ៣៣នៅច្រកទ្វេភាគីព្រំដែនស្វាយអាង៉ោង ស្រុកកំពង់ត្របែក ចាប់ផ្តើមបើកដំណេីរការអោយពលរដ្ឋខ្មែរ និងជនជាតិវៀតណាមឆ្លងដែនមក លេងល្បែងយ៉ាងគគ្រឹកគគ្រេងផ្ទុយពីច្បាប់អនុញ្ញាត ។
ប្រមុខរាជរដ្ឋាភិបាលតែងក្រើនរំលឹកដល់កងកម្លាំងទាំងបីភេទនៅតាមបណ្តាខេត្ត ក្រុង ត្រួតពិនិត្យបន្ទាន់ជាប្រចាំនូវបនល្បែងសុីសងគ្រប់ប្រភេទហ្គេមអនឡាញ និងល្បែងជល់មាន់ខ្នាយដែក ល្បែងជល់មាន់តាមប្រព័ន្ធទូរទស្សន៍អនឡាញ បៀរ អាប៉ោង យូគីគ្រប់ប្រភេទ និងល្បែងជល់មាន់ខ្នាយដែក អោយខានតែបានគ្មានការលើកលែង។ដោយឡែកនៅកាសុីណូ៣៣ នៅច្រកព្រំដែនស្វាយអាង៉ោង បង្កប់ល្បែងសុីសងគ្រប់ប្រភេទបើកអោយពលរដ្ឋខ្មែរចូលលេងល្បែងយ៉ាងគគ្រឹកគគ្រេងផ្ទុយពីច្បាប់អនុញ្ញាត ។ហេតុ នេះហើយសូមថ្នាក់ដឹកនាំក្រសួងមហាផ្ទៃ ជាពិសេស ឯកឧត្តម នាយឧត្តមសេនីយ៏ ស ថេត អគ្គស្នងការនគរបាលជាតិ មេត្តាចាត់មន្រ្តីជំនាញក្រោមឱវាទចុះស្រាវជ្រាវ ករណីខាងលើដែលកំពុងបើកអោយពលរដ្ឋខ្មែរចេញចូលលេងល្បែងសុីសងដោយសេរីគ្នានការទប់ស្កាត់និងបង្រ្កាបនោះទេ។ ដោយហេតុថាមន្ត្រីអាជ្ញាធរ និងសមត្ថកិច្ចថ្នាក់ឃុំថ្នាក់ស្រុក កំពង់ត្របែក មិនហ៊ានទៅក្បែរកាស៊ីណូ៣៣ច្រកទ្វេភាគីព្រំដែនស្វាយអាង៉ោងនោះទេ ព្រោះបុគ្គលម្ចាស់កាស៊ីណូ៣៣មានខ្នងបង្អែករឹងមាំខេត្តនៅចាំជួយបិទបាំង ភាពមិនប្រក្រតីទើបបុគ្គលនេះហ៊ានធ្វើអ្វីៗតាមអំពើចិត្ត។
ហេតុដូច្នេះហើយទើបប្រជាពលរដ្ឋស្នើរសុំដល់លោកឧត្តមសេនីយ៏ទោ ឈឿន ប៊ុនឆន ស្នងការដ្ឋាននគរបាលខេត្តព្រៃវែង និងឯកឧត្តម សួន សុម៉ាលីន អភិបាលខេត្តព្រៃវែង រួមទាំងមេបញ្ជាការកងរាជអាវុធហត្ថខេត្តព្រៃវែង មេត្តាជួយចាត់កម្លាំងចុះពិនិត្យឡើងវិញខ្លះផង ព្រោះបុគ្គលម្ចាស់កាសុីណូ៣៣ បើកអោយពលរដ្ឋខ្មែរ និងជនជនជាតិវៀតណាមសម្រុកចូលលេងល្បែងជល់មាន់ និងល្បែងផ្សេងៗជាច្រើនប្រភេទទៀត យ៉ាងគគ្រឹក គគ្រេងគ្មានការទប់ស្កាត់ពីស្ថាប័នពាក់ព័ន្ធក្នុងខេត្តព្រៃវែងនៅឡើយ។
ពលរដ្ឋក្នុងមូលដ្ឋាននៅភូមិចាម ឃុំចាម ស្រុកកំពង់ត្របែក សូមអំពាវនាវដល់ថ្នាក់ដឹកនាំក្រសួងមហាផ្ទៃ ជាពិសេស ឯកឧត្តម នាយឧត្ដមសេនីយ៍ ស ថេត អគ្គស្នងការនគរបាលជាតិ ជួយចាត់កម្លាំងជំនាញក្រោមឱវាទចុះពិនិត្យម្ចាស់កាស៊ីណូ៣៣ នៅច្រកស្វាយអាង៉ោង ខេត្តព្រៃវែង បើកដៃឲ្យពលរដ្ឋខ្មែរនិងជនជាតិវៀតណាម ចេញចូលលេងល្បែងចាក់ភ្នាល់ស៊ីសងចាញ់ឈ្នះរាប់ពាន់រាប់មុឺន ដុល្លារក្នុងមួយថ្ងៃៗ។ ធ្វើឲ្យប្រជាពលរដ្ឋ ក្នុងភូមិចាម ឃុំចាម ស្រុកកំពង់ត្របែក មានការព្រួយបារម្ភយ៉ាងខ្លាំងពីបញ្ហាអសន្តិសុខសង្គមនិងអំពើចោរកម្ម ចោរលួច ចោរឆក់ ចោរប្លន់ ចោរគាស់ផ្ទះ និងអំពើហិង្សាក្នុងគ្រួសារ គ្រឿងញៀនជាដើមចមកេីតចេញពីល្បែងសុីសងនេះឯង។ មិនទាន់ឃើញកម្លាំងសមត្ថកិច្ចចុះទប់ស្កាត់និងបង្ក្រាបល្បែងសុីសងនៅក្នុងភូមិសាស្រ្តខាងលើអោយស្របតាមគោលនយោបាយ ភូមិ ឃុំ សង្កាត់មានសុវត្ថិភាពទាំង៧ចំណុចដែលរាជរដ្ឋាភិបាលបានដាក់ ចេញដោយក្រសួងមហាផ្ទៃនៅឡើយ។ហេតុនេះសូមឯកឧត្តមអភិសន្តិបណ្ឌិត ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ មេត្តាជួយចាត់កម្លាំងក្រោមឱវាទចុះពិនិត្យទីតាំងល្បែងសុីសងខុសច្បាប់ខាងលើជាបន្ទាន់ផងទាន៕
