ស្វាយរៀង÷ ប្រភពពីប្រជាពលរដ្ឋ ក្រុងបាវិត បានបញ្ជាក់ឲ្យដឹងថា ឈ្មួញតូច ធំ សម្រុកដឹកជញ្ជូន ផ្កា បន្លែ ផ្លែឈើ ត្រី សាច់ តាមរថយន្តសាន់កូរ៉េ និង
តាមរម៉កម៉ូតូយ៉ាងគំហុករាល់ថ្ងៃ រីឯលោក មេប៉ុស្តិ៍នគបាលការពារព្រំដែនមនោរម្យ មិនទាន់ទប់ស្កាត់ឲ្យបានត្រឹមត្រូវនោះទេ។
មួយរយៈ ចុង ក្រោយ ឈ្មួញសម្រុកដឹកជញ្ជូន ទំនិញគេចពន្ធឆ្លងដែនទៅវៀតណាម ផ្កាដាក់ជាប្រភេទកេះឡាំង និងបន្លែ ផ្លែឈើ ត្រី សាច់ ចេញពីវៀតណាម ចូលមកខ្មែរ យ៉ាងរលូន ចូលតាមច្រករបៀងការពារព្រំដែនមនោរម្យ ពេញបន្ទុក ស្ថិតនៅ ក្រុងបាវិត ខេត្តស្វាយរៀង រីឯ មេប៉ុស្តិ៍ជាអ្នកបេីកភ្លើងខៀវ ទេីបពួកឈ្មួញហ៊ានធ្វេីអ្វីៗ តាមអំពើចិត្ត។
ហេតុនេះថ្នាក់ដឹកនាំក្រសួងមហាផ្ទៃ និងឯកឧត្ដម ប៉េង ពោធិ៍សា អភិបាលខេត្តស្វាយរៀង ព្រមទាំង លោកពេជ្រ វិរះ ស្នងការដ្ឋាននគរបាលខេត្តស្វាយរៀង មេត្តាដាក់មន្រ្តីជំនាញត្រួតពិនិត្យឡេីងវិញខ្លះផង ចំពោះលោក នាយប៉ុស្តិ៍ និងស្ថាប័នពាក់ពន្ធ មិនគូរ បណ្ដែតបណ្ដោយឲ្យក្រុមឈ្មួញនាំទំនិញគេចពន្ធឆ្លងដែនទៅវៀតណាមយ៉ាងពេញបន្ទុក និងបើកដៃឲ្យឈ្មួញខ្មែរនិងឈ្មួញវៀតណាម នាំបន្លែផ្លែឈើ ត្រីសាច់ មិនទាន់មានស្ថាប័នពាក់ព័ន្ធច្រកនេះទប់ស្កាត់ឡើយ។
